Manteisio ar fwyd

Mae modd i FareShare Cymru fanteisio ar amrywiaeth eang o fwydydd o safon, o gig i lysiau i ffa pob. Rydym yn meddu ar gysylltiadau cadarn gyda chyrff eraill yn y diwydiant bwyd, felly rydym yn ymdrechu i gaffael cyflenwad rheolaidd a digonedd o’r math o fwyd sydd ei angen arnoch chi.

Rydym yn codi lleiafswm ffi ar aelodau FareShare Cymru am y bwyd maen nhw’n eu derbyn – mae gwerth manwerthu’r bwyd yn 5-10 gwaith y ffi aelodaeth. Yn ychwanegol i’r archebion bwyd cyflawn o ein warws, mae modd i’n haelodau fanteisio ar fwyd dros ben am ddim gan archfarchnadoedd lleol drwy FareShare Go. Mae hyn yn golygu y gallan nhw ddefnyddio’u cyllid ar wasanaethau hanfodol eraill. Mae aelodau’n arbed £7,900 y flwyddyn ar gyfartaledd ar eu bil bwyd. 

Mae FareShare Cymru yn gymuned gadarn o aelodau yr ydym ni’n eu cefnogi drwy gynnig bwyd iddyn nhw a mwy. Os ydy eich anghenion chi’n newid, gallwn addasu ein gwasanaeth i fodloni’r rheiny. Gallwn gynnig cyngor ar ddiogelwch bwyd a chynnig cyfleoedd gwirfoddoli i’r rheiny sy’n manteisio ar ein gwasanaeth. At hyn, gallwn gynrychioli’ch barnau mewn fforymau a’ch hysbysu am unrhyw newyddion fyddai’n fuddiol ichi fel rhan o rwydwaith o fudiadau tebyg.