Gweithwyr yn Gwirfoddoli

Yn dilyn cyflwyniad a chyfarwyddiadau Iechyd a Diogelwch byr bydd eich tîm yn mynd ati gan helpu gyda’r gwaith o ail-ddosbarthu bwyd sy’n gyfle ichi wella bywydau dydd i ddydd y rheiny sy’n wynebu tlodi bwyd. Rydym yn dibynnu ar ein gwirfoddolwyr arbennig i gyflawni ein gwaith dyddiol a byddwch yn cydweithio gyda staff a gwirfoddolwyr eraill i gyflawni ystod o weithgareddau. Gallai’r gweithgareddau gynnwys, ond nid ydyn nhw wedi’u cyfyngu i: 

• Cynorthwyo ein gyrwyr i gludo bwyd i ein Haelodau Cymunedol yn Ne Cymru 
• Dewis bwyd ar gyfer archebion ein haelodau 
• Dosbarthu bwyd a threfnu ein warws 
• Glanhau a thacluso 

Mae sawl un o’r tasgau hyn yn gorfforol ac mae’n bosib y bydd gofyn ichi godi a chario nwyddau a phlygu lawr i’w nôl nhw. Hoffem sicrhau nad oes yna unrhyw rwystrau i unrhyw un sy’n dymuno cymryd rhan felly rhowch wybod inni os oes gan unrhyw un o’ch tîm drafferthion a allai effeithio ar eu hamser gyda ni. Byddwn yn ymdrechu i ganfod gweithgareddau a fyddai’n gweddu iddyn nhw.

Dyma ychydig o fanylion ichi eu dwyn i ystyriaeth: 

• Gallwn groesawu timau o hyd at chwe unigolyn oherwydd cyfyngiadau o ran lle. 
• Ein nod ydy cynnal un diwrnod tîm corfforaethol y mis, ond fe allwn ni fod yn hyblyg. 
• Gofynnwn am gyfraniad i dalu am ein costau cynnal; mae hyn yn fodd inni ddosbarthu mwy fyth o fwyd i’r rheiny sydd ei angen. 
• Rydym yn blaenoriaethu’r cwmnïau hynny sy’n ffurfio partneriaethau corfforol gyda ni, ond fe wnawn ni ymdrechu hyd eithaf ein gallu i groesawu pob un y gallen ni.