Roedd rhaid i un fenyw newid i dderbyn Credyd Cynhwysol, a doedd ganddi ddim byd am chwe wythnos yn ystod y cyfnod newid. Aeth hi mewn i ddyled ddifrifol oherwydd hyn. Bu hi’n berson balch iawn erioed, byth eisiau mynd i fanc bwyd. Oherwydd bod ganddi’r cysylltiad yna â ni, byddai’n anfon neges “oes gennych chi hyn a hyn? Does gen i ddim bwyd” Cymerodd amser iddi ddod i’r arfer â derbyn bocs mawr o fwyd ar ei stepen drws yn wythnosol fel ymateb i hynny. Fyddai hi ddim wedi gwybod beth i wneud hebom ni. Byddai hi wedi mynd heb fwyd fel bod gan ei phlant rywbeth i’w fwyta.

EMMA KNIGHT, YMDDIRIEDOLWR

Cafodd yr elusen ei sefydlu i gefnogi un stryd yn wreiddiol, nawr mae’n helpu cannoedd o bobl. Ymaelododd yr elusen â FareShare Cymru ym mis Mai 2020 pan oedd pobl mewn angen o ganlyniad i Bandemig Covid-19.

Mae yna fenyw yn y clwb bwyd sydd wedi bod yn aelod am gyfnod nawr. Collodd hi ei gŵr, a dywedodd hi ein bod wedi bod yn achubiaeth iddi yn ystod cyfnod Covid. Roedden ni’n mynd â thorth o fara iddi’n wythnosol, ac roedd yn gyfle iddi weld wyneb cyfeillgar. Dydy hi ddim yn meddwl y byddai hi wedi dod trwy’r cyfnod heb yr un peth bach yna.  

EMMA KNIGHT, YMDDIRIEDOLWR

Mae’r bwyd dros ben sy’n cael ei ddarparu gan FareShare Cymru wedi cyflwyno amrywiaeth o wahanol fwydydd i gleientiaid FAN Community Alliance a nawr maen nhw’n fwy parod i drio prydau bwyd newydd. Mae hyn wedi cael effaith bositif ar iechyd corfforol a meddyliol pobl wrth iddyn nhw ddatblygu cyfeillgarwch tra’n derbyn ystod o faethynnau sydd angen er mwyn cadw’n iach.

Mae’r bwyd dros ben hefyd yn galluogi’r elusen i arbed arian sy’n gallu cael ei fuddsoddi mewn prosiectau eraill. Er enghraifft, maen nhw newydd roi arwyneb newydd ar y maes parcio sydd wedi’i wneud yn haws cael mynediad ato.

Mae ymwneud yr elusen â FareShare Cymru hefyd wedi codi ymwybyddiaeth am effeithiau amgylcheddol bwyd dros ben. Nawr, mae’r un faint o gleientiaid yn defnyddio FAN Community Alliance i helpu’r amgylchedd ag sydd yna o bobl sydd angen cefnogaeth fwyd.

‘Mae pobl yn dechrau deall nawr, er bod y bwyd yn fwyd dros ben, dydy e ddim yn hanfodol ar gyfer y bobl sydd ei angen yn unig. Mae am wneud yn siŵr nad yw e’n mynd yn wastraff hefyd. Roedd pobl yn arfer dweud “ O na, mae’n iawn, mae ‘na bobl sydd ei angen yn fwy na fi”. Nawr mae yna gydbwysedd rhwng y bobl sydd ei angen, a sicrhau nad yw’r bwyd yn mynd yn wastraff.’

Mae FAN Community Alliance yn gobeithio agor Caffi Hinsawdd cyn hir, gan ddefnyddio hyd yn oed mwy o fwyd dros ben. Mae hyn yn golygu y byddant yn darparu mwy o brydau bwyd i bobl, a dod â’r gymuned ynghyd.

“Mae’n bwysig gwneud y cysylltiadau lleol yna, fel bod y gefnogaeth yna pan mae ei hangen. Rydyn ni’n neidio i ymateb yn gyflym pan mae angen cefnogaeth ar bobl.” ”

EMMA KNIGHT, YMDDIRIEDOLWR

The post FAN Community Alliance appeared first on FareShare Cymru.

Hoffai FareShare Cymru ddweud diolch enfawr wrth TC Consult am rodd hael iawn i’r elusen yn ddiweddar.

Penderfynodd weithwyr y cwmni, sydd wedi’i leoli yng Nghaerdydd, gyfrannu eu gwyliau blynyddol oedd heb eu defnyddio, i elusen. Roedd gan y gweithwyr wyliau dros ben gan eu bod nhw heb allu cymryd yr amser o ganlyniad i’r pandemig.

“Rydym wrth ein bodd i allu cyfrannu i FareShare Cymru. Rydw i wedi bod yn dilyn hanes yr elusen ers sawl blwyddyn, a dw i’n meddwl bod y gwaith maen nhw’n ei wneud yn bwysig iawn. Daliwch ati! “

David Champs, CYFARWYDDWR A PHERCHENNOG AR Y CYD TC CONSULT

Bydd y rhodd hwn yn helpu FareShare Cymru i achub bwyd dros ben rhag mynd i safleoedd tirlenwi a’i ail-ddosbarthu i brosiectau bwyd cymunedol. Mae pob £1 o gyfraniad yn darparu 4 pryd bwyd i bobl mewn angen. Yn ystod 2020/21 fe arbedion ni 735 tunnell o fwyd dros ben gan ddarparu bron i 3 miliwn o brydau bwyd i bobl fregus.

I ddarganfod mwy am sut allai rhodd gennych chi helpu ymladd gwastraff bwyd a thlodi, ewch i www.fareshare.cymru/make-a-donation.

The post Diolch TC Consult! appeared first on FareShare Cymru.

Prif nod a gweledigaeth yr elusen Oasis Caerdydd yw cynorthwyo ffoaduriaid a cheiswyr lloches i integreiddio yn eu cymunedau lleol. Maen nhw’n darparu cefnogaeth i tua 100-150 o ymwelwyr yn ddyddiol o ledled y byd, gan gynnwys pobl o Iran, Irac, Affganistan, Sudan, El Salvador, a’r Traeth Ifori. Yn wythnosol, maen nhw’n cynnig amrywiaeth o weithgareddau, yn ogystal â chinio am ddim yn ystod yr wythnos.

Mae FareShare wedi darparu bwyd dros ben o ansawdd da i Oasis ers pedair blynedd. Mae Oasis yn defnyddio’r bwyd hyn i baratoi prydau bwyd i’w cleientiaid sy’n parchu’u diwylliant a’u traddodiadau unigol. Mae hyn yn eu galluogi i ymgartrefu’n well ac i deimlo’n gartrefol yng Nghymru.

Mae’r bwyd dros ben sy’n cael ei ddarparu gan FareShare Cymru yn cynnwys cynhwysion sydd fel arfer yn cael eu defnyddio ym mwyd y Gorllewin. Mae Oasis yn dangos i’w cleientiaid sut i ddefnyddio’r cynhwysion, sydd yn aml yn ddieithr iddyn nhw, ar y cyd gyda blas a sbeisys sy’n gyfarwydd i’w diwylliant nhw i wneud bwyd blasus llawn maeth.

Mae bwyd yn bwerus iawn. Mae pobl yn rhannu’u straeon pan maen nhw’n coginio neu’n bwyta. Pan mae’r iaith yn rhwystr, maen nhw’n rhannu’r bwyd ynghyd â rhan o’u diwylliant a’u stori.

Songyeon Choi, Rheolwr Cegin Oasis

Er bod eu cyllid yn gyfyng fel elusen fach, mae cydweithio gyda FareShare yn galluogi i gleientiaid Oasis fwynhau danteithion arbennig, fel wyau Pasg a phwdin Nadolig, sy’n cael eu gwerthfawrogi’n fawr.

Ar ddechrau’r pandemig pan gaeodd y siopau i gyd, daliodd FareShare ati i fynd, ac am hynny rydyn ni’n ddiolchgar iawn.

Songyeon Choi, Rheolwr Cegin Oasis

Mae’r bwyd sydd wedi’i ddarparu gan FareShare wedi helpu cael effaith bositif ar iechyd corfforol ac iechyd meddwl. Mae Oasis yn dangos i’w cleientiaid sut y gallant lwyddo i greu prydau bwyd go iawn, iachus, hyd yn oed gyda chyllid cyfyngedig. Enghraifft o hyn yw bwyd tun, sydd, er yn rhad, yn gallu cael ei ddefnyddio mewn amryw o ffyrdd i greu prydau bwyd iachus.

Mae’r cydweithio gyda FareShare wedi galluogi Oasis i arbed arian, sydd yn ei dro wedi cael ei fuddsoddi gan iddynt gyflogi mwy o bobl yn y gegin i goginio’r prydau bwyd maethlon maent yn eu darparu i’w gwesteion. Golyga hyn eu bod yn cefnogi hyd yn oed mwy o bobl, ac yn eu cynorthwyo i integreiddio i’w cymunedau lleol.

The post Sut mae Oasis Caerdydd yn defnyddio bwyd i helpu ffoaduriaid a cheiswyr lloches i deimlo’n gartrefol. appeared first on FareShare Cymru.