{"id":1193,"date":"2021-07-16T14:23:26","date_gmt":"2021-07-16T13:23:26","guid":{"rendered":"https:\/\/fareshare.cymru\/food-stories\/ggca-au-nawdd-gan-morganstone\/"},"modified":"2021-07-16T14:23:26","modified_gmt":"2021-07-16T13:23:26","slug":"ggca-au-nawdd-gan-morganstone","status":"publish","type":"food-stories","link":"https:\/\/fareshare.cymru\/cy\/food-stories\/ggca-au-nawdd-gan-morganstone\/","title":{"rendered":"GGCA a\u2019u nawdd gan Morganstone"},"content":{"rendered":"\n

Mae Cymdeithas Gymunedol Gilfach Goch (Gilfach Goch Community Association \/ GGCA) yn elusen sydd wedi bod ar fynd ers 1996, yn Rhondda Cynon Taf, ar ffin Pen-y-bont ar Ogwr. Mae GGCA yn gweithio i gefnogi\u2019r gymuned mewn amrywiaeth o ffyrdd gan gynnwys addysg, iechyd, lliniaru tlodi a gwaith. Fel arfer maen nhw\u2019n rhedeg nifer o raglenni gan gynnwys clybiau ar \u00f4l ysgol, clybiau ieuenctid, grwpiau rhieni a phlant bach a grwpiau i\u2019r anabl. Mae ganddyn nhw hefyd raglen waith i bawb, caffi cymunedol, salon trin gwallt ac ystafelloedd cynadledda ar gael. Mae GGCA yn cefnogi pobl o bob oed a hefyd yn cefnogi pobl y tu allan i Gilfach, yng Nghaerdydd, Pen-y-bont ar Ogwr a\u2019r cymoedd. <\/p>\n\n

O ganlyniad i COVID mae llawer o\u2019u gweithgareddau wedi gorfod symud ar-lein. Er enghraifft, maen nhw\u2019n cynnig cefnogaeth o bell ar gyfer ysgrifennu CV a chefnogaeth un-i-un gyda gweithwyr ieuenctid, yn ogystal \u00e2 chyrsiau coginio a ioga ar-lein. Mae\u2019r feithrinfa ar agor o hyd gan fod gofal plant yn cael ei ganiat\u00e1u ac mae\u2019r caffi ar agor ar gyfer danfoniadau. Mae GGCA hefyd yn rhedeg prosiect lliniaru COVID trwy gynllun Llywodraeth Cymru ac yn danfon prydau a bwyd i\u2019r gymuned. <\/p>\n\n

Bu i GGCA ddechrau eu partneriaeth gyda FareShare Cymru ychydig fisoedd yn \u00f4l, tua mis Hydref 2020. Y nod wrth ymuno \u00e2 chynllun FareShare oedd darparu cefnogaeth ychwanegol i aelodau\u2019r gymuned ar ben beth mae GGCA yn ei gael drwy\u2019r Llywodraeth. Caiff GGCA eu cefnogi\u2019n ariannol gan Morganstone, cwmni adeiladu lleol, oedd eisiau helpu GGCA mewn rhyw ffordd fel rhan o\u2019u prosiect gwaith allanol cymunedol. I ddechrau, bu awgrym eu bod yn codi ffens neu yn gwneud ychydig o waith tarmacio iddyn nhw, ond yna bu iddyn nhw benderfynu ar FareShare gan ei fod yn cael effaith uniongyrchol ar bobl yn y gymuned. Bu i nawdd Morganstone dalu am gostau cofrestru GGCA gyda FareShare Cymru, gan alluogi GGCA i dderbyn danfoniadau bwyd wythnosol. <\/p>\n\n

Mae GGCA yn derbyn danfoniad gan FareShare bob dydd Mawrth ac yn ei gasglu o Ben-y-bont ar Ogwr. Maen nhw\u2019n defnyddio\u2019r bwyd gan FareShare ar ben y ddarpariaeth COVID maen nhw\u2019n ei dderbyn gan Lywodraeth Cymru. Mantais y cyflenwad gan FareShare ydy eu bod yn gallu ei roi i unrhyw un sydd ei angen a does dim angen iddyn nhw gwrdd ag unrhyw ofynion. Mae\u2019r hyblygrwydd hefyd yn golygu bod pobl yn gallu cael rhai eitemau maen nhw wirioneddol ei angen. Mewn amgylchiadau arferol, gallai GGCA ddefnyddio\u2019r parseli bwyd gan FareShare i gefnogi eu grwpiau i\u2019r anabl a\u2019r clybiau ar \u00f4l ysgol mewn gweithgareddau fel gwersi coginio. Fodd bynnag, ar y funud caiff y bwyd gan FareShare ei ddosbarthu i\u2019r gymuned fel ac y mae.<\/p>\n\n

\u201cMae\u2019r amrywiaeth o\u2019r hyn rydym ni\u2019n ei gael gan FareShare yn dda iawn. O\u2019r blaen, roeddem ni\u2019n arfer derbyn bwydydd oedd yn para\u2019n hirach fel ffa pob neu basta ond gyda FareShare rydym ni\u2019n derbyn bwydydd mwy ffres \u2013 sudd oren, bara, ffrwythau a llysiau. Mae hyn yn golygu nid yn unig ydyn ni\u2019n gallu rhoi rhywbeth i bobl ei fwyta i swper ond hefyd i frecwast a chinio.\u201d<\/strong>\u00a0<\/strong><\/p>\n\n

Mae\u2019r bwyd yn cael effaith ar les bobl hefyd, sy\u2019n rhoi cyfle iddyn nhw fod yn agored am bethau eraill sydd efallai yn anodd arnyn nhw, fel eu hiechyd meddwl, gwaith neu fudd-daliadau tai, y mae staff GGCA yn gallu eu cefnogi nhw gyda hyn. <\/p>\n\n

\u201cMae FareShare wedi ein caniat\u00e1u i gyrraedd pobl na fydden ni o bosibl wedi siarad gyda nhw o\u2019r blaen ac mae wedi galluogi mwy o bobl i ddysgu am yr hyn rydym ni\u2019n ei wneud. Y mwyaf o brosiectau gallwn ni eu rhedeg, y mwyaf o bobl fydd yn dod i\u2019r ganolfan ac felly’r mwyaf o bobl all dderbyn ein gwasanaethau.\u201d<\/strong>\u00a0<\/p>\n\n

Gyda chynllun FareShare mae GGCA yn gallu cyrraedd pobl sydd ei angen ond sydd efallai heb ddod ymlaen a gofyn am gymorth. \u201cMae\u2019n rhoi i bobl y diogelwch a\u2019r cysur ychwanegol hwnnw, yn gwybod os ydy bwyd yn brin iddyn nhw am ambell i ddiwrnod mae modd iddyn nhw alw draw a derbyn cyflenwad i\u2019w cadw nhw i fynd. Mae hyn yn golygu eu bod yn gallu defnyddio\u2019r arian buasen nhw\u2019n ei wario ar fwyd ar bethau eraill, fel nwy a thrydan.\u201d\u00a0<\/strong><\/p>\n\n

Mae GGCA yn gwneud gwaith arbennig iawn ac rydym ni\u2019n falch iawn ein bod ni\u2019n gallu eu helpu nhw i gefnogi aelodau\u2019r gymuned, yn arbennig yn ystod y cyfnod anodd hwn. <\/p>\n\n